پاکستان مشکلات سے نکل گیا، ڈیفالٹ کا کوئی خطرہ نہیں، مفتاح اسماعیل

اسلام آباد (این این آئی) وفاقی وزیر خزانہ مفتاح اسماعیل نے کہا کہ پاکستان مشکلات سے نکل گیا ہے،

ڈیفالٹ کا کوئی خطرہ نہیں۔عالمی جریدے ’بلوم برگ‘ کو انٹریو دیتے ہوئے وزیر خزانہ مفتاح اسماعیل نے کہا کہ

پاکستان تمام بیرونی ادائیگیاں وقت پر کرے گا، آئی ایم ایف پروگرام سے قرض ادائیگیوں میں آسانی ہوگی۔

انہوں نے کہا کہ پاکستان مشکلات سے نکل گیا ہے، ڈیفالٹ کا کوئی خطرہ نہیں ہے۔ انہوں نے کہا کہ

قیمتوں میں اضافہ آئی ایم ایف سے قرض کے حصول کیلئے کیا گیا، قیمتوں میں اضافے سے طلب کم ہوئی ہے۔

انہوں نے کہا کہ سخت اقدامات سے درآمدات میں کمی آئی، جولائی میں درآمدات 35 فیصد کم ہوئیں۔انہوں نے کہا کہ

درآمدات میں کمی سے جاری کھاتوں کے خسارے میں کمی ہوگی، درآمدات اور طلب میں کمی سے روپے پر دباؤ کم ہوگا۔