دبئی(این این آئی)بحر الکاہل میں ایک آٹھ فٹ لمبی نایاب سمندری مخلوق دیکھی گئی ہے، جسے سولومبیلا سی پین کا نام دیا گیا ہے۔

میڈیارپورٹس کے مطابق ویڈیو شیئرنگ پلیٹ فارم یوٹیوب پر بحر الکاہل سے دریافت ہونے والی اس سمندری مخلوق کی ویڈیو شیئر کی گئی ہے۔سولومبیلا سی پین کو پہلی بار بحر الکاہل میں دیکھا گیا تھا، یہ عجیب و غریب مخلوق سمندر میں 3 ہزار میٹر نیچے تیرتی ہوئی پائی گئی۔

قلم جیسی یہ سمندری مخلوق دیکھنے میں تھوڑی خوفناک نظر آرہی ہے، جس کی دریافت کو عظیم فتح قرار دیا جا رہا ہے۔

پہلی نظر میں یہ نایاب مخلوق پانی میں تیرتے ہوئے کسی پھول کی طرح دکھائی دیتی ہے۔سائنسدان اس نایاب سمندری مخلوق کی دریافت سے کافی حیرت میں مبتلا ہیں

۔فی الحال اس نایاب مخلوق کے سائز کی بنیاد پر اس کی عمر کا تعین کرنا مشکل ہے، لیکن سائنسدانوں کا خیال ہے کہ قلم جیسی نظر آنے والی یہ مخلوق سولومبیلا سی پین کافی پرانی ہو سکتی ہے۔