کراچی(این این آئی)سابق رکنِ قومی اسمبلی و میزبان عامر لیاقت کی تیسری اہلیہ دانیہ ملک کی والدہ ان کی قبر پر پہنچ گئیں۔دانیہ ملک کی والدہ سلمی سجاد نے اپنے انسٹاگرام اکائونٹ پر ایک ویڈیو شیئر کی ہے۔شئیر کی گئی ویڈیو میں دیکھا جاسکتا ہے کہ وہ کراچی میں موجود ہیں اور عبداللہ شاہ غازی کے مزار کے احاطے میں واقع داماد عامر لیاقت کی قبر پر فاتحہ کے لیے گئی ہیں۔انہوں نے اپنی ویڈیو کو شئیر کرتے ہوئے کیپشن میں لکھا کہ اللہ، عامر بیٹے کو جنت میں اعلی سے اعلی مقام عطا فرمائے۔واضح رہے کہ دانیہ ملک کی والدہ سلمی سجاد نے بیٹی کے عدت میں بیٹھ جانے کے بعد ناصرف میڈیا کو انٹرویوز دیئے بلکہ اب انہوں نے بھی اپنا انسٹا گرام اکائونٹ بنا لیا ہے۔