مانسہرہ میں افسوسناک واقعہ
مانسہرہ ( آن لائن )مانسہرہ کے علاقے جنگ چارباغ بالا میں ایک لڑکے نے غلطی سے اپنے چھوٹے بھائی کو ٹِک ٹاک ویڈیو بناتے ہوئے مار ڈالا۔
ایس ایچ او بٹل تھانے انور خان نے صحافیوں کو بتایا کہ دونوں بھائی ٹک ٹاک کلپ بنا رہے تھے کہ ان میں سے ایک نے دوسرے پر فائرنگ کر دی اور اسے موقع پر ہی ہلاک کر دیا۔
انہوں نے مزید کہا کہ 16 سالہ جمال شاہ اور اس کا چھوٹا بھائی 13 سالہ عاد شاہ پستول سے ویڈیو کلپس بنا رہے تھے جب بڑے بھائی نے چھوٹے پر فائرنگ کر دی جس سے وہ موقع پر ہی جاں بحق ہو گیا۔
پولیس کا کہنا ہے کہ لاش کو سول ہسپتال بٹل منتقل کیا گیا اور بعد ازاں طبی اور قانونی کارروائی مکمل کرنے کے بعد مقتول کے والد امتیاز شاہ کے حوالے کر دیا گیا۔
پولیس نے ایف آئی آر درج کرنے کے بعد لڑکے کو گرفتار کر کے مزید تفتیش شروع کر دی۔
