لاہور( این این آئی )ضمنی انتخابات کے دوران پاکستان تحریک انصاف کے کارکنان نے پی پی 167 میں پولنگ اسٹیشنوں کے باہر جعلی نوٹوں کی بارش کردی۔ نوٹوں پر قائد اعظم محمد علی جناح کی تصویر کی بجائے لوٹے کی تصویر بنائی گئی تھی جبکہ نوٹ کے اوپر جلی حروف میں تحریردرج تھی کہ پیسوں کی خاطر بکنے والوں کو ووٹ نہ دیں۔نوٹ کی پشت پر تحریک انصاف کا پرچم بنایا گیا تھا۔ تحریک انصاف کے اہم رہنما جب بھی کسی پولنگ اسٹیشن کا دورہ کرتے وہاں ہزاروں کی تعداد میں یہ نوٹ نچھاور کیے جاتے۔بعض افراد نوٹ اصلی سمجھ کر اکٹھے کرتے مگر جب نوٹ پر لوٹے کی تصویر دیکھتے تو شرمندہ ہوکر پھینک دیتے۔