اسلام آباد (مانیٹرنگ ڈیسک ) والدہ اور نانی کو غفلت برتنے پر امریکا میں 9 سالہ بچی سر میں جوؤوں کے باعث زندگی کی بازی ہار گئی ، والدہ اور نانی کو گرفتار کر لیا گیا ۔ غیر ملکی میڈیا رپورٹس کے مطابق عدالتی دستاویزات میں یہ بات سامنے آئی ہے کہ

دو ماہ قبل امریکی ریاست ایریزونا میں ایک گھر میں ڈاکٹربچی کو دیکھنے گیا تو دیکھا کہ بچی مردہ حالت میں پڑی ہے جبکہ اس کےچہرے پر بڑی تعداد میں جوئیں تھیں ۔ ڈاکٹروں نے معائنہ کیا تو پتہ چلا کہ بچی کے بالوں میں بہت زیادہ جوئیں موجود ہیں۔رپورٹس کے مطابق بچی کی موت کے بعد 38 سالہ ماں سینڈرا کرائیکووچ اور 64 سالہ نانی الزبتھ کو ابتدائی طور پر بچوں کے ساتھ زیادتی کے الزام میں گرفتار کیا گیا تھا جبکہ بعد میں ان پر فرسٹ ڈگری قتل کا الزام بھی لگایا گیا ہے۔قبل ازیں ماں کی لاپرواہی نے چار سالہ معصوم بچی کو موت کے دہانے پر پہنچا دیاتھا ۔ امریکی ریاست انڈیانا میں26سالہ ماں ’شیاننا ننکولی ‘نے غفلت اور کاہلی کی انتہا کر دی تھی ۔جوئوں سے متاثرہ 4سالہ معصوم کی حالت غیر ہونے پر ہسپتال منتقل کیا گیا جہاں اس کا علاج ہونے کے بعد وہ موت کے منہ سے واپس لوٹی ۔ غیر ملکی میڈیارپورٹس کے مطابق بچی کی جوئوں کی وجہ سے حالت اس قدر نازک ہو چکی تھی کہ وہ چل پھر نہیں سکتی تھے بچی کے جسم میں ہیموگلوبن کی سطح 12 کے بجائے 1.7 تک پہنچ گئی تھی۔ بچی کی بڑی بہن جس کی عمر چھ سال تھی، وہ بھی جوؤں کے انفیکشن کی زد میں تھی لیکن اس کی حالت زیادہ خراب نہیں تھی۔واقعہ کی اطلاع ملتے ہی پولیس نے بچیوں کی والدہ کو گرفتار کر لیا ہے جب اس سے بچیوں کے حوالے سے سوال پوچھا گیا تو اس نے یہ کہہ کر انکار کر دیا کہ مجھے اس بارے میں ذرا برابر بھی کوئی علم نہیں ہے ۔