گوجرانوالہ(این این آئی)وفاقی وزیر برائے توانائی خرم دستگیر کی نجی کمپنی کے سیلز مین سے ڈیڑھ کروڑ روپے سے زائد مالیت کی رقم لوٹنے والے ڈکیتوں کو گرفتار کر لیا گیا۔سی پی او گوجرانوالہ حماد عابد نے بتانا کہ خرم دستگیر کی نجی کمپنی کے سیلز مین سے 18 اپریل کو ماڈل ٹاؤن سے گن پوائنٹ پر ایک کروڑ 70 لاکھ روپے لوٹ لیے گئے تھے۔سی پی او حماد عابد کے مطابق ڈکیتی میں ملوث 3 ملزمان کو گرفتار کر لیا گیا ہے جن کی شناخت محسن، غلام عباس اور منور کے ناموں سے ہوئی ہے۔سی پی او گوجرانوالہ کا کہنا تھا کہ گرفتار ملزمان سے ایک کروڑ 20 لاکھ روپے بھی برآمد کر لیے گئے ہیں اور ان کے خلاف مقدمہ درج کر کے تحقیقات کا آغاز بھی کر دیا گیا ہے۔