لاہور(این این آئی) ایڈیشنل سیشن جج نے آزادی مارچ میں پولیس کی جانب سے وکلا ء پر تشدد کے معاملے پر وزیر داخلہ رانا ثنا اللہ اور پولیس افسران کے خلاف مقدمہ درج کرنے کا حکم دیدیا۔ایڈیشنل سیشن جج میاں مدثر عمر بودلہ نے درخواست پر سماعت کی۔ 100سے زائد وکلا ء عدالت میں پیش ہوئے۔سیشن کورٹ نے پی ٹی آئی کے وکلا ء کی درخواست منظورکرتے ہوئے وزیر داخلہ راناثنا اللہ، سی سی پی اولاہور اور ڈی آئی جی آپریشنز کے خلاف مقدمہ درج کرنے کا حکم دے دیا۔ عدالت نے درخواست گزار حیدرمجید کی درخواست پر سیکشن166، 352اور 427 کے تحت مقدمہ درج کرنے کا حکم دیا۔