اسلام آباد (این این آئی) جے یو آئی (ف) کے سربراہ مولانا فضل الرحمن نے کہا ہے کہ عمران نیازی اس قوم کا میر جعفر اور میر صادق ہے،اپنے ایجنڈے کو پورا نہ کرنے کی وجہ سے تشویش میں مبتلاء ہے،ہمارے دفاعی ادارے کے خلاف بیانات کا مقصد فوج کو تقسیم کرنا ہے،ہم ملک اور ملکی اداروں کو تباہ کرنے کی اجازت کسی کو نہیں دیں گے۔عمران نیازی کے ساڑھے

تین سالہ اقتدار بارے جے یو آئی سربراہ مولانا فضل الرحمان نے چارج شیٹ پیش کرتے ہوئے کہاکہ عمران نیازی اس قوم کا میر جعفر اور میر صادق ہے،اپنے ایجنڈے کو پورا نہ کرنے کی وجہ سے تشویش میں مبتلاء ہے۔انہوںنے کہاکہ عوام نے ان کو پارلیمنٹ کے ذریعے اقتدار سے باہر نکالا ہے۔ انہوںنے کہاکہ اپنے ایجنڈے کو پورا کرنے کے لئے پاکستان کو پوری دنیامیں رسوا کررہا ہے،اس نے ساڑھے تین سال ملک کو تباہ و برباد کردیا۔ملک کی معاشی اور اخلاقی طور پر تباہ جبکہ سفارتی سطح پر تنہائی کا شکار کردیا۔سربراہ جے یو آئی نے کہا کہ کیا وہ اسی کردار کے ساتھ دوبارہ حکومت بنانا چاہتے ہیں،ہمارے دفاعی ادارے کے خلاف بیانات کا مقصد فوج کو تقسیم کرنا ہے،ہم نے ادارے کی کسی فرد کی رائے یا اس کے کسی اقدام سے کیا ہے لیکن فوج کے بحیثیت دفاعی ادارے کا ہمیشہ احترام کیا ہے۔انہوںنے کہاکہ عمران خان کے بیانات فوج میں انتشار ڈالنے کے لئے ہیں،ایلیٹ کلاس کی ایک لابی اس کے پیچھے ہے۔انہوںنے کہاکہ ہم ملک اور ملکی اداروں کو تباہ کرنے کی اجازت کسی کو نہیں دیں گے۔مولانا فضل الرحمان نے کہاکہ وطن عزیز کے اداروں اور اس کے جغرافیائی سرحدات کی حفاظت کریں گے۔انہوںنے کہاکہ اسلامی سربراہی کانفرنس میں دراڑ ڈالنے کی کوشش کی اور اب وہ ایک خاص قسم کی لابی کی پشت پناہی سے دفاعی ادارے کو تقسیم کرنا چاہتا ہے جو بہت بڑا جرم ہے۔انہوںنے کہاکہ ساڑھے تین سال میں کرپشن کا ریکارڈ توڑا اور بین الاقوامی ادارے اس کے گواہ ہیں۔انہوںنے کہاکہ کشمیر کا سودا کیا ،امریکہ کی آنکھوں میں کھٹکنے والا سی پیک منصوبہ امریکہ کے کہنے پر ساڑھے تین سال منجمد کئے رکھا۔انہوںنے کہاکہ 74 سالہ تاریخ میں پہلی بار ایک امریکی نیشنل کو سٹیٹ بنک کا گورنر بنایا۔انہوںنے کہاکہ اسٹیٹ بنک کو آئی ایم ایف کے حوالے کیا،امریکہ کی مخالفت کا ڈھونک رچانے والے کی کابینہ میں پندرہ سے زائد امریکی اور مغربی شہریت کے حامل لوگ کابینہ کے رکن رہے۔مولانا فضل الرحمان نے کہاکہ دوبارہ اقتدار میں آنے کے لئے تڑپنا صرف اس لئے ہے کہ اپنے ناکام ایجنڈے کو پورا کرکے پاکستان کے وجود کو ختم کرنا ہے جو کسی صورت پورا نہیں ہونے دیں گے۔