اسلام آباد (آن لائن) پی ٹی وی سپورٹس کے ٹھیکوں میں بڑے پیمانے پر گھپلے اور اربوں روپے من پسند کمپنیوں کو دینے کا انکشاف ہوا ہے۔ سابق دور کے ریکارڈ کی چھان پھٹک میں ہوشربا حقائق برآمد ہوئے ہیں۔ سابق وزیراعظم عمران خان کے براہ راست حکم پر غیرقانونی کام کئے گئے اور من پسند کمپنیوں کو نہ صرف خلاف ضابطہ ٹھیکے دیئے گئے

جبکہ من پسند پارٹیوں کے ٹیکس بھی معاف کئے گئے ۔ ذرائع کا کہنا ہے کہ اربوں روپے کے نقصان،قاعدے قانون کی خلاف ورزیوں پر کارروائی کا فیصلہ کیا گیا ہے۔ ذرائع کا کہنا ہے کہ پی ایس ایل 7، 8 اور ورلڈ کپ کے ٹھیکوں میں بڑے پیمانے پر مالی اورقانونی جرائم کا ارتکاب کیاگیا ہے۔ پیپرارولز، پی ٹی وی بورڈ کے قواعد وضوابط کی دھجیاں اڑائی گئیں ہیں۔ ٹھیکوں کی بولی کا عمل نقائص سے بھرپوراور غیرشفاف تھا۔ غیر شفاف طریقے سے جائز بولیاں دینے والوں کو دانستہ مسابقتی عمل سے نکال باہر کیا گیا۔ ذرائع کا کہنا ہے کہ مشکوک اور مینیوپلیٹڈ طریقہ کار اپنایا گیا جس میں تمام کمپنیوں کو مقابلے کا منصفانہ ماحول فراہم نہیں ہو۔ اس عمل سے پی ٹی وی کو بھاری مالی نقصانات ہو ے ۔ تحقیقاتی رپورٹ میں انکشاف ہوا ہے کہ قومی خزانے اور خسارے کا شکار پی ٹی وی کو اربوں روپے کا نقصان ہوا۔ قواعد کے برعکس پی ٹی وی سپورٹس کے کنٹریکٹس دینے اوراربوں روپے کی ادائیگیوں پر قانونی کارروائی کا آغاز کر دیا گیا ہے۔ محکمانہ فیکٹ فائنڈنگ رپورٹ میں کہا گیا ہے کہ من پسند کمپنیوں کو خلاف ضابطہ ٹھیکے دیئے گئے ہیں۔ من پسند پارٹیوں کے ٹیکس بھی معاف کئے گئے۔ ایف آئی اے نے فیکٹ فائنڈنگ رپورٹ سمیت دیگراہم شواہداور ریکارڈ حاصل کرلیا ہے۔ ایف آئی اے نے پی ایس ایل کے ٹھیکوں کا ریکارڈ بھی حاصل کرلیا ہے۔ سابق دور کے ریکارڈ کی چھان پھٹک میں ہوشربا حقائق برآمد ہوئے ہیں۔ فیکٹ فائنڈنگ رپورٹ میں کہا گیا ہے کہ سابق وزیراعظم عمران خان کے براہ راست حکم پر غیرقانونی کام کئے گئے ہیں۔