لاہور(این این آئی)سردار عثمان بزدار نے وزیراعلی ہائوس خالی کر دیا، عثمان بزدار سی اینڈ ڈبلیو کالونی کینال روڈ پر واقع گھر میں شفٹ ہوگئے۔وزیراعلی عثمان بزدار نے نئے وزیراعلی کا انتخاب ہونے پر پہلے اپنی سرگرمیاں محدود کی تھیں اور اب وزیراعلی ہائوس بھی خالی کردیا ہے۔عثمان بزدار گزشتہ شب وزیراعلی ہائوس کی بجائے سی اینڈ ڈبلیو کالونی کینال روڈ پر قیام کیا، عثمان بزدار سی اینڈ ڈبلیو کالونی سے معمول کے امور نمٹانے کیلئے وزیر اعلیٰ آفس پہنچے۔نومنتخب وزیراعلی حمزہ شہباز کی حلف برداری تک عثمان بزدار معمول کے امور نمٹانے کا سلسلہ جاری رکھیں گے۔