لاہور( این این آئی) پنجاب اسمبلی میں مسلم لیگ (ن) کے چیف وہپ خلیل طاہر سندھو نے الزام لگایا ہے کہ پرویز الٰہی پنجاب اسمبلی میں ہنگامہ آرائی اور انسانی جانوں کا ضیاع چاہتے تھے،اس بات کے ٹھوس ثبوت ہیں کہ پرویزالٰہی نے کہا تھا کہ کسی بھی عیسائی رکن اسمبلی کو قتل کروادو۔نجی ٹی وی کے مطابق خلیل طاہر سندھو نے کہا کہ کسی رکن اسمبلی کو کچھ ہوا تو ذمہ دار عمران خان، پرویز الٰہی، مونس الٰہی، محمد خان بھٹی اور عنایت اللہ ہوں گے۔انہوں نے بتایا کہ انہوں نے یہ پیغام ویٹیکن سٹی میں پوپ فرانسس، بی بی سی، سی این این، اسکائے نیوز سمیت دیگر بین الاقوامی نیوز میڈیا کو بھجوا دیا ہے۔