اسلام آباد( آن لائن ) پاکستان پیپلزپارٹی کے چیئرمین و وزیر خارجہ بلاول بھٹو زرداری کی چینی سفارت خانہ آمد،چینی باشندوں پر دہشت گردی کے حملے میں جانی نقصان پر چینی حکام سے اظہار افسوس، سفارت خانے میں مہمانوں کی کتاب میں اپنے تاثرات بھی قلمبند کئے، بلاول بھٹو زرداری کے ہمراہ وزیر مملکت حنا ربانی کھر بھی موجود تھیں ۔ اس موقع پر گفتگو کرتے ہوئے بلاول بھٹو زرداری نے کہا کہ پاکستان اور چین کا رشتہ نسل در نسل وفاؤں کا ایک سلسلہ ہے دہشت گردوں نے پاک چین دوستی کی اساس پر ضرب لگانے کی ایک ناکام کوشش کی ،دہشت گردوں کے مذموم ارادے پاک چین دوستی کو سبوتاژ نہیں کرسکتے۔