اسلام آباد (این این آئی) سابق وزیراعظم عمران خان کی سابق اہلیہ ریحام خان نے کہاہے کہ عمران خان نے ملک کو اندھیروں میں دھکیلا ،ان کا مستقبل بہت تاریک ہے۔ وزیراعظم عمران خان کی سابق اہلیہ ریحام خان بھی قومی اسمبلی میں تحریک عدم اعتماد کی کارروائی دیکھنے کیلئے

پارلیمنٹ ہاؤس پہنچی۔وزیرِ اعظم عمران خان کے مستقبل کے متعلق انہوںنے کہاکہ میں سمجھتی ہوں ان کا مستقبل بہت تاریک ہے اور اس لیے تاریک ہے کہ انھوں نے ملک کو اندھیروں میں دھکیلا ہے۔انہوںنے کہاکہ عمران خان نے کسی کی پروا نہیں کی اور جو شخص خود غرض ہوتا ہے، عوام کا خیال نہیں کرتا، وہ پھر کس منہ سے عوام کا دروازہ کھٹکھٹانے جائے گا۔انھوں نے ڈالر کی قیمت کا حوالہ دیتے ہوئے کہا کہ عمران خان نے اپنے ساتھ ساتھ عوام کے ساتھ بھی بہت بڑی زیادتی کی ہے۔انہوںنے کہاکہ پاکستان میں بہت کم لوگ ہیں جو بات نہیں سمجھے، باقی سب سمجھ گئے ہیں کہ آئین کی بالادستی اور قانون کی پاسداری ہر شہری پر لازم ہے اور کوئی بھی آئین و قانون سے بالاتر نہیں ہے۔ریحام خان نے کہا کہ ڈالر 190 پر پہنچ چکا ہے، ان کا لمبی تقریریں کرنے کا جو پلان ہے اور اجلاس کو کچھ دنوں تک بڑھانے کی جو سازش کرنا چاہ رہے ہیں، یہ 200 تک ڈالر پہنچانے کی ضد پوری کرنا چاہ رہے ہیں۔عمران خان کی سابق اہلیہنے کہاکہ پاکستان میں کچھ ہی لوگ ایسے ہیں جو شاید بات نہ سمجھ رہے ہوں، باقی سب بات سمجھ گئے ہیں کہ ٰئین کی بالا دستی قانون کی پاس سداری ہر شہری پر لازم ہے، کوئی بھی قانون و آئین سے بالاتر نہیں خواہ وہ لاڈلہ ہی کیوں نہ ہو۔