لاہور (این این آئی)پاکستان پیپلزپارٹی کے رہنما اعتزاز احسن نے آرٹیکل 63 اے کے اطلاق پر ردعمل کا اظہار کرتے ہوئے کہاہے کہ رکن اسمبلی ووٹ سے پہلے نااہل نہیں ہوسکتا۔ میڈیا سے گفتگو میں اعتزاز احسن نے کہاکہ آرٹیکل 63 اے کا اطلاق اس پر ہوتا ہے جس نے پارٹی کیخلاف ووٹ دیاہو۔انہوںنے کہاکہ رکن اسمبلی ووٹ سے پہلے نااہل نہیں ہوسکتا۔اعتزاز احسن نے بتایا کہ اسلام آباد میں جوکچھ ہو رہا ہے وہ سب کیسامنے ہے ،راجہ ریاض کہہ رہا ہے ہمارے پاس 24 بندے ہیں، وہ کہہ رہاہے، ن لیگ کے پاس اتنی ٹکٹس نہیں جتنے بندیہیں،آپ پیسے پربکو یا ٹکٹ پر یہ سودے بازی ہے۔خیال رہے کہ گزشتہ روز پاکستان تحریک انصاف نے 14 ارکان قومی اسمبلی کو اظہارِ وجوہ کے نوٹسز جاری کیے ہیں۔