ملا کنڈ(این این آئی) وزیراعظم نے کہا ہے کہ عدم اعتماد بیرونی سازش ہے جو ایم این ایز غلطی کر بیٹھے واپس آجائیں۔ جلسے سے خطاب کرتے ہوئے انہوںنے کہاکہ جس نے ووٹ بیچا اس کے نام کے ساتھ ضمیر فروش لگ جائیگا، پھر آپ جتنا کہیں ضمیر جاگ گیا،لوگوں نے نہیں ماننا، جو ایم این ایز غلطی کر بیٹھے واپس آجائیں ،معاف کردوں گا۔ان کا کہنا تھا کہ مجھ سے کہا گیا کہ ایم این ایز کو خرید کر واپس لے آئیں، میں نے کہا مجھے آخرت کی فکر ہے، منحرف ارکان سے کہہ رہا ہوں کہ اپنے بچوں کی خاطر یہ غلطی نہ کرنا۔