اسلام آباد (آن لائن) پاکستان مسلم لیگ (ن) پنجاب کے صدر رانا ثناء اللہ خاں نے وزیر داخلہ شیخ رشید کے بیان کو گھبراہٹ قرار دے دیا ۔ اپنے بیان میں انہوں نے کہا پنڈی کا
شیطان “بغل میں چھری، منہ میں رام رام” کردار ہے ۔ انہوں نے کہا پارلیمنٹ پر حملے کے بعد پارلیمنٹ لاجز پر حملہ اور ایم این ایز کو اغوا کرانے کے بعد صلح کا بیان گھبراہٹ ہے۔ انہوں نے کہا “باس” کو سب سے پہلے دغا کی چھری چپڑاسی نے مارنی ہے۔ “کچل دوں گا” کی دھمکیاں دینے والے غنڈہ گرد کو مولانا فضل الرحمان نے جو ٹریلر دکھایا، تو اس کے منہ سے صلح صفائی کے لفظ نکلنا شروع ہوگئے ۔ انہوں نے کہا گندگی اور کچرے کی بدبو بتاتی ہے کہ یہ گند ہے، اس کی صفائی ہی علاج ہوتا ہے ۔ انہوں نے کہا “مار دو، مر جائو، جلاؤ، گھیراؤ” کے اعلانات کرنے والے غنڈہ گرد کی اصلیت سب کو پتہ ہے ۔ انہوں نے کہا تحریک عدم اعتماد آنے کے بعد باس اور چپڑاسی ہر روز ایک نئی بونگی مارتے ہیں، قوم کو جلد بونگوں سے نجات ملنے والی ہے ۔ انہوں نے کہا چپڑاسی ٹھیک کہتا ہے، اس کا باس جیل میں پانچ سال پورے کرے گا، ان شاء اللہ۔
