اسلام آباد (این این آئی) وزیر اعظم کی جانب سے چین سے آنے والے جی 10 سی جنگی طیارے میں سوار ہونے اور اس کا تجربہ کرنے پر ٹوئٹر صارفین کے میمز نے صورتحال میں مزید مذاح پیدا کردیا ہے۔تفصیلات کے مطابق یہ طیارے گزشتہ روز ہی پاکستان ائیر فورس کے دفاعی
نظام میں شامل ہوئے۔نجی ٹی وی کے مطابق پاکستانی ٹوئٹر صارفین نے اس سہولت کا فائدہ اٹھاتے ہوئے وزیر اعظم کی تصاویر کو میمز میں تبدیل کرنا شروع کردیا،ٹوئٹر صارفین نے وزیر اعظم کے طیارے میں سوار ہونے پر مزے دار کیپشن بھی لگائے۔پاکستانیوں نے تصاویر سے لطف اندوز ہوتے ہوئے وزیر اعظم کی اڑان پر اعتماد کا اظہار کیا۔سوشل میڈیا پر جاری ہونے والی ایک تصویر میں فواد چوہدری کو جی 10 سی طیارے سے اترتے دیکھا گیاجس پر ایک ٹوئٹر صارف نے کہا کہ گول گپے انجوائے کرنے کے بعد دیسی انکل چائنا چوک لاہور پر تصویر بنوا رہے ہیں۔صارفین نے کہا کہ ایسا ظاہر ہورہا ہے کہ خان صاحب فرما رہے ہوں، جیٹ تو اچھا ہے لیکن اس میں سوک والا مزا نہیں ہے۔سوشل میڈیا صارفین نے میمز میں وزیر دفاع پرویز خٹک کو بھی یاد رکھا۔کچھ صارفین نے انہیں خیال رکھنے کی ہدایت کرتے ہوئے کہا کہ خان صاحب کہیں لال بٹن نہ دبا دینا،اس کے بعد یہ کہنا غلط نہ ہوگا کہ میمز بنانے والے پاکستانی جانتے ہیں کہ کب حملہ کرنا ہے اور کب سونا حاصل کرنا ہے۔
