لاہور( این این آئی) احساس پروگرام کے تحت امداد لینے کے لئے قطار میں کھڑی خاتون دل کا دورہ پڑنے سے چل بسی ۔

بتایا گیا ہے کہ المصطفیٰ کالونی چونگی امر سدھو کی رہائشی58سالہ نسیم بی بی ٹائون شپ بلاک نمبر 16کے احساس پروگرام سنٹر میں امداد لینے کے لئے قطار میں کھڑی تھی کہ اسے اچانک دل کا دورہ پڑا جو جان لیوا ثابت ہوا ۔ اطلاع ملتے ہی ریسکیو ٹیمیں بھی موقع پر پہنچ گئیں ۔ خاتون کی لاش کو فوری طو رپر ہسپتال منتقل کر دیا گیا ۔بتایا گیا ہے کہ متوفیہ نسیم بی بی چار بچوں کی ماں تھی ۔

موضوعات:احساس پروگرام