اسلام آباد(این این آئی)وزیر اعظم عمران خان کی نااہلی کے لیے بلوچستان ہائی کورٹ میں درخواست دائر کردی گئی ہے، آئینی درخواست سابق صدر سپریم کورٹ بار
امان اللّٰہ کنرانی نے دائر کی ہے۔سابق صدر سپریم کورٹ بار امان اللّٰہ کنرانی نے میڈیا سے گفتگو میں کہا کہ بطور پاکستانی شہری وزیراعظم کے خلاف آئینی درخواست جمع کروادی ہے۔ انہوں نے کہا کہ عمران خان نے اپنے عہدے، آئین اور اخلاقیات کی خلاف ورزی کی ہے، آرٹیکل 9 میں قانون کے مد نظر ہر شہری کا تحفظ لازمی ہے۔سابق صدر سپریم کورٹ بار نے کہا کہ وزیر اعظم نے صاف الفاظ میں زرداری صاحب کو مارنے کی دھمکی دی، وزیراعظم عمران خان پر آرٹیکل 6 لگنا چاہیے۔وزیرِ اعظم نے کہا کہ بڑی دیر سے آصف زرداری میری بندوق کی نشانے پر ہے۔انہوں نے کہاکہ آصف زرداری نے بیس بیس کروڑ روپے ہمارے ارکان کو خریدنے کے لیے رکھے ہوئے ہیں۔
