کراچی(این این آئی)نیشنل الیکٹرک پاور ریگولیٹری اتھارٹی(نیپرا)نے کے الیکٹرک صارفین کیلئے بجلی2روپے59پیسے فی یونٹ سستی کردی۔نیشنل الیکٹرک پاور ریگولیٹری اتھارٹی نے بجلی کے

نرخ میں کمی کا نوٹیفکیشن جاری کردیا جس کے مطابق بجلی کی قیمت میں کمی دسمبر کی فیول ایڈجسٹمنٹ کی مد میں کی گئی ہے۔کے الیکٹرک نے 1 روپے 80 پیسے فی یونٹ کمی کی درخواست کی تھی، جس پر نیپرا نے نوٹیفکیشن جاری کردیا۔دسمبرکے ماہانہ فیول چارجز ایڈجسٹمنٹ کی مد میں بجلی کی قیمت میں 2 روپے 59 پیسے فی یونٹ کمی کی منظوری دے دی گئی۔نیپرا کے مطابق اتھارٹی نے 2 فروری 2022 کو ایف سی اے پر عوامی سماعت کی تھی۔ اضافے کا اطلاق مارچ کے مہینے کے بلوں پر ہوگا۔ٹیرف میں کمی کا اطلاق کے الیکٹرک کے تمام صارفین ماسوائے 300 تک یونٹ استعمال کرنے والے، لائف لائن اور زرعی صارفین پر ہو گا۔