اسلام آباد (مانیٹرنگ ڈیسک )مری اور گلیات میں سیاحوں کے داخلےپر عائد پابندی میں توسیع کر دی گئی ۔ تفصیلات کے مطابق وفاقی وزیر داخلہ نے ٹویٹر پیغام میں کہا ہے کہ مری اور گلیات جانے پر عائد پابندی میں 24 گھنٹےکی توسیع کردی ہے۔وفاقی وزیر شیخ رشید احمد نے کہا ہے کہ ’’سیاحوں کیلئے اسلام آباد کے راستے مری اور گلیات جانے

کا معاملے پر حکومت نے مری اور گلیات جانے کےلئے عائدپابندی میں چوبیس گھنٹے کی توسیع کردی ہے۔مری اور ملحقہ علاقے کے رہائشیوں کا اس پابندی پر اطلاق نہیں ہوگا۔مری اور گلیات کی صورت حال کا مسلسل جائزہ لیا جارہا ہے۔شیخ رشید احمد کا کہنا تھا کہ مری اور گلیات جانے کیلئے پابندی کھولنے کا فیصلہ صورت حال کا جائزہ لے کرکیا جائیگا۔