اسلام آباد (این این آئی) افغان وزیر خارجہ امیر متقی نے کہاہے کہ دنیا طالبان حکومت کو تسلیم کرے،ہر ملک افغانستان کو اپنی نظر سے دیکھے ،افغانستان پرامن اورحکومت مضبوط ہے دنیا کے لوگ وہاں آسکتے ہیں ۔او آئی سی وزراء خارجہ کے غیر معمولی اجلاس میں افغان عبوری
وزیر خارجہ امیر متقی نے پارلیمنٹ ہاؤس میں میڈیا سے گفتگو کرتے ہوئے کہاکہ دنیا طالبان حکومت کو تسلیم کرے،تسلیم کرنا طالبان حکومت کا حق ہے۔ انہوںنے کہاکہ افغان خواتین آزاد اور بااختیار ہیں،خواتین کے حقوق بارے ایک فرمان جاری کیا ہے،خواتین کو افغانستان میں کوئی مسئلہ نہیں بس میڈیا مشکلات کو اجاگر کرتا رہتا ہے،ہر ملک افغانستان کو اپنی نظر سے دیکھے ،افغانستان پرامن اورحکومت مضبوط ہے دنیا کے لوگ وہاں آسکتے ہیں ،وہاں آہستہ آہستہ تمام سفارتخانے کھل گئے ہیں ۔ انہوںنے کہاکہ دنیا افغانستان کو اب بھی قدر کی نگاہ سے دیکھتی ہے۔
