اسلام آباد(این این آئی)ڈپٹی کمشنر اسلام آباد حمزہ شفقات نے وفاقی دارالحکومت اسلام آباد میں اسلامی تعاون تنظیم (او آئی سی)کے غیر معمولی اجلاس کے موقع پر ہفتہ 18دسمبر اور پیر 20دسمبر کو مقامی تعطیل کا اعلان کیا ہے۔ ڈپٹی کمشنر اسلام آباد نے کابینہ ڈویژن کے فیصلہ کے بعد باضابطہ نوٹیفکیشن جاری کر دیا ہے۔ دریں اثنا ڈپٹی کمشنر نے اپنے ٹویٹ میں کہا ہے کہ ہفتہ اور پیر کو اسلام آباد کے سکول اور نجی دفاتر بند رہیں گے جبکہ مارگلہ کی پہاڑی پر واقع ہائیکنگ ٹریلز بھی بند رہیں گے۔ ڈپٹی کمشنر نے مزید کہا کہ اس دوران پاک سیکرٹریٹ سے شہید ملت سیکرٹریٹ تک میٹرو بس سروس کے سٹیشن پیر تک بند رہیں گے۔