اسلام آباد (مانیٹرنگ ڈیسک/آن لائن )معروف اداکارہ عابد فاروق عرف پروفیسر باغی لاہور میں انتقال کر گئے ۔ تفصیلات کے مطابق عابدفاروق کو کچھ دن قبل برین ہیمرج ہوا تھا ۔ عابد فاروق شاعر، کالم نگار اور دانشور تھے۔معروف اداکار ٹی کے مقبول پروگرام ’ خبردار ‘ میں پروفیسر باغی کا کردار ادا کرتے رہے ہیں ۔ عابد فاروق کے انتقال پر سیاسی و سماجی شخصیات نے

اظہار افسوس کیا ہے ۔ دوسری جانب وفاقی وزیر اطلاعات چوہدری فواد حسین نے معروف اداکار عابد فاروق عرف باغی کے انتقال پر اظہار افسوس کیا ہے ۔ اپنے تعزیتی بیان میں چوہدری فواد حسین نے کہا عابد فاروق کے انتقال کی خبر سن کر دلی دکھ ہوا، عابد فاروق کالم نگار اور تجزیہ نگار بھی تھے جو اپنے طنزو مزاح اور تجزیہ نگاری کے منفرد انداز کی وجہ سے جانے جاتے تھے۔اللہ تعالی سے دعا ہے کہ مرحوم کو اپنے جوار رحمت میں جگہ اور لواحقین کو صبر جمیل عطا فرمائے۔ آمین ۔ قبل ازیں وزیراعلیٰ پنجاب سردار عثمان بزدارنے معروف اداکار عابد فاروق کے انتقال پر دکھ اور افسوس کا اظہارکیا ہے۔ وزیر اعلی عثمان بزدار نے سوگوارخاندان سے دلی ہمدردی و اظہار تعزیت کرتے ہوئے دعا کی کہ اللہ تعالیٰ مرحوم کی روح کوجوار رحمت میں جگہ دے اور لواحقین کو صبر جمیل عطا فرمائے۔وزیر اعلی پنجاب سردار عثمان بزدار نے کہا کہ عابد فاروق مرحوم ورسٹائل اداکار تھے۔عابد فاروق نے بہترین پرفارمنس کی بدولت کم عرصے میں اپنی پہچان بنائی