واشنگٹن (این این آئی)امریکا نے خبردار کیا ہے کہ جاوا بیسڈ سافٹ ویئر لاگ فور جے میں سامنے آئی خامیوں کی وجہ سے دنیا بھر میں کروڑوں ڈیوائسز کے ہیک ہونے کا خطرہ ہے۔میڈیارپورٹس کے مطابق امریکا کے سائبرحکام نے بڑی امریکی صنعتوں کے ایگزیکٹوز کو متنبہ کیا کہ انہیں سافٹ ویئر لاگ فور جے میں اب تک کی سب سے سنگین خامیوں کو

دور کرنے کے لیے کارروائی کرنے کی ضرورت ہے۔سائبرحکام کا کہناتھاکہ سافٹ ویئرکی خامیاں ہیکرز کو آرگنائزیشن کے کمپیوٹر سرور تک رسائی کاآسان راستہ فراہم کر رہی ہیں اور خدشہ ہے کہ ہیکرز اس خامی سے وسیع پیمانے پر فائدہ اٹھا سکتے ہیں۔ماہرین کا کہناتھا کہ سافٹ ویئر کی خامیوں کو دور کرنے کیلئے کئی ہفتے لگ سکتے ہیں۔