سرگودھا(این این آئی) مہنگائی کے باعث معاشی حالت سے تنگ محنت کش نے خود کو گولی مار کر زندگی کے خاتمہ کی کوشش کی جسے تشویشناک حالت میں ڈی ایچ کیو
ہسپتال منتقل کر دیا گیا جہاں پاکستان مسلم لیگ ق شعبہ خواتین ونگ کی ضلعی صدر شازیہ کوثر نے خودکشی کی کوشش کرنے والے مریض کی عیادت کرتے ہوئے لواحقین سے اظہار ہمدردی کیا۔زرائع کے مطابق سرگودھا ریجن کے علاقہ مائنز اراڑہ سیکشن میں محنت کش اختر علی نے بڑھتی ہوئی مہنگائی میں معاشی حالت سے تنگ آ کر دل برداشتہ ہوتے ہوئے خود کو گولی مار کر زندگی کے خاتمہ کی کوشش کی جسے تشویشناک حالت میں فوری طبی امداد کے لئیڈسٹرکٹ ہیڈ کوارٹر ہسپتال جوہرآباد منتقل کر دیا گیا جہاں ڈاکٹروں نے بروقت علاج ومعالجہ کرتے ہوئے اسے بچا لیا اس واقعہ کی اطلاع پر مسلم لیگ ق کی ضلعی صدر شازیہ کوثر نے ڈی ایچ کیو ہسپتال کا دورہ کر کے خودکشی کی کوشش کرنے والے مریض اختر علی کی عیادت کی اور اس کے لواحقین سے دلی ہمدردی کا اظہار کیا اور ہسپتال انتظامیہ کو مریض کے بہتر علاج ومعالجہ کی ہدایت کی۔
