اسلام آباد ( مانیٹرنگ ڈیسک ، آن لائن)وزیر مملکت برائے اطلاعات و نشریات فرخ حبیب کا کہنا ہے کہ وزیر اعظم عمران خان آج قوم سے خطاب کریں گے۔سماجی رابطے کی ویب سائٹ ٹوئٹر پر جاری کئیگئے ایک بیان میںانہوں نے مزیدبتایا کہ وزیر اعظم اپنے خطاب میں ملک

کی تاریخ کے بڑے ریلیف پیکیج کا اعلان کریں گے۔علاوہ ازیں وزیرمملکت اطلاعات و نشریات فرخ حبیب نے کہا ہے کہ پی ٹی آئی حکومت کی خصوصی توجہ کے باعث ٹیکسٹائل برآمدات میں اضافہ ہورہا ہے،بدھ کے روز سماجی رابطے کی ویب سائٹ ٹوئٹر پر اپنے ایک پیغام میں بتایا کہ پی ٹی آئی حکومت کی خصوصی مراعات اور توجہ کے باعث ٹیکسٹائل برآمدات میں اضافہ ہورہا ہے۔کورونا کے باوجود پاکستان میں ٹیکسٹائل کی برآمدات کا حجم جولائی تا اکتوبر 6 ارب ڈالرز کیساتھ تاریخ بلند ترین سطح پر پہنچ گیا ہے، پچھلے سال سے 27 فیصد زیادہ ہے۔فرخ حبیب نے اپنے ٹوئٹر پیغام میں مزید بتایا کہ ن لیگ کے دور میں ٹیکسٹائل ملز بند ہونا شروع ہوگئی تھی، پی ٹی آئی حکومت کی خصوصی مراعات اور توجہ کے باعث ٹیکسٹائل برآمدات میں اضافہ ہورہا ہے۔دوسری جانب وفاقی وزیر اطلاعات فواد چوہدری نے کہا ہے کہ وزیر اعظم عمران خان عوام کو ریلیف فراہم کرنے کے لئے ہر حد تک جائیں گے۔ سماجی رابطوں کی ویب سائٹ

ٹو ئٹر پر اپنے ایک ٹویٹ میں فواد چوہدری کا کہنا تھا کہ عوام کی تکالیف کا تدارک عمران خان کی پہلی ترجیح ہے۔ وہ عوام کو ریلیف فراہم کرنے کیلئے ہر حد تک جائیں گے۔ قوم سے خطاب میں ملکی تاریخ کے بڑے عوامی ریلیف پیکج کا اعلان کریں گے۔ یہ پیکیج عوام کی مشکلات میں کمی اور ان کی زندگیوں میں آسانیاں پیدا کرنے کے لئے سنگ میل ثابت ہوگا۔