لاہور(مانیٹرنگ ڈیسک ، این این آئی) پولیس نے شاہدرہ میں کارروائی کرکے خاتون کو منشیات سمیت گرفتار کرلیا۔پولیس کے مطابق خفیہ اطلاع ملنے پر ایک گاڑی کی تلاشی لی گئی جس میں سے 90 کلو گرام چرس اور 20 کلو افیون

برآمد کی گئی ہے۔پولیس کا کہنا ہےکہ گاڑی میں سوار فرین شرافت نامی خاتون کو گرفتار کر لیا گیا جب کہ اس کے دو ساتھی فرار ہوگئے۔پولیس نے رپورٹ درج کرکے مزید تحقیقات شروع کردی ۔دوسری جانب پنجاب سیف سٹیز اتھارٹی نے ون فائیو ہیلپ لائن کالز کا اکتوبر کاریکارڈ جاری کردیا۔ ترجمان کے مطابق اکتوبر میں لاہورسمیت پنجاب بھرسے19لاکھ19ہزا865کالز موصول ہوئیں۔ موصول شدہ کالز میں سے 11لاکھ 80ہزار817 کالزغیر متعلقہ تھیں ۔1لاکھ74ہزار726کالزپرپولیس کی مدد فراہم کی گئی۔مختلف معلومات کے حصول کیلئے82ہزار809 کالز موصول ہوئیں ۔ اکتوبر کے مہینے میں ٹریفک سے متعلقہ 10ہزار 596 کالز پر راہنمائی کی گئی۔لاہورلاسٹ اینڈ فانڈ سینٹرکی مدد سے10 گمشدہ افراد کو اپنوں سے ملوایا گیا۔لاہورمیں 213موٹرسائیکلز،6 رکشے اور4گاڑیاں تصدیق کے بعدمالکان کے حوالے کی گئیں