اسلام آباد (مانیٹرنگ ڈیسک)ملک بھر میں انٹربینک میں ڈالر مزید 50 پیسے مہنگا ہونے کے بعد ملکی ایک سال کی بلند ترین سطح پر پہنچ گیا ۔ تفصیلات کے مطابق امریکی ڈالر گزشتہ چار ماہ کے دوران 16روپے 32پیسے مہنگا ہوا جس کے بعد یہ ایک سال کی بلند ترین سطح 168روپے

اور 60پیسے پر پہنچ چکا ہے ۔ واضح رہے کہ انٹر بینک اور مقامی اوپن کرنسی مارکیٹ میں پیر کو روپے کے مقابلے ڈالر کی قدر میں اضافے کا رجحان رہا۔فاریکس ایسوسی ایشن آف پاکستان کی رپورٹ کے مطا بق پیر کو انٹر بینک میں روپے کے مقابلے ڈالر کی قدر میں 25پیسے کا اضافہ ریکارڈ کیا گیا جس سے ڈالر کی قیمت خرید 167.90روپے سے بڑھ کر168.15روپے اور قیمت فروخت168روپے سے بڑح کر168.25روپے ہو گئی اسی طرح مقامی اوپن کرنسی مارکیٹ میں 10پیسے کے اضافے سے ڈاہلر کی قیمت خرید 168.30روپے سے بڑھ کر168.40روپے اور قیمت فروخت168.70روپے سے بڑھ کر168.80روپے ہو گئی۔فاریکس رپورٹ کے مطابق یورو کی قدر میں 20پیسے کی کمی واقع ہوئی جس سے یورو کی قیمت خرید 198روپے سے گھٹ کر197.80روپے اور قیمت فروخت200روپے سے گھٹ کر199.80روپے پر آ گئی تاہم برطانوی پونڈ کی قیمت خرید 232روپے اور قیمت فروخت234روپے پر بدستور برقرار رہی۔