اسلام آباد (مانیٹرنگ ڈیسک) ملک بھر کے 42 کنٹونمنٹ بورڈز میں انتخابات ہوئے،ووٹوں کی گنتی کا عمل جاری ہے اور غیر سرکاری اور غیر حتمی نتائج آنے کا سلسلہ شروع ہو چکا ہے، اب تک کے غیر حتمی اور غیر سرکاری نتائج کے مطابق ن لیگ کے پانچ، پاکستان تحریک انصاف کے چار، پیپلز پارٹی کے دو اور سات آزاد امیدوار کامیاب قرار پائے ہیں، واضح رہے کہ تحریک انصاف نے سب سے زیادہ 180 امیدوار میدان میں اتارے، ن لیگ نے 143 اور پیپلز پارٹی کے 112 امیدوار مدمقابل تھے، سات امیدوار بلا مقابلہ منتخب ہوئے جبکہ 7 وارڈز میں الیکشن معطل کر دیا گیا۔