کابل (مانیٹرنگ ڈیسک) عبوری حکومت کے نامزد نائب وزیر اطلاعات ذبیح اللہ مجاہد نے عالمی برادری سے طالبان کی حکومت تسلیم کرنے کی اپیل کی ہے۔ جیو ٹی وی سے بات چیت کرتے ہوئے کہا کہ کابینہ اراکین دفاتر میں بیٹھ رہے ہیں اور لوگوں کے کام ہورہے ہیں، ان کا کہنا تھا کہ گزشتہ حکومت کے ساتھ کام کرنے والے اہلکار ہمارے ساتھ کام کررہے ہیں۔ذبیح اللہ مجاہد کا کہنا تھا کہ وزرات خارجہ فعال ہوگئی ہے، ہم دنیا سے تعلقات رکھیں گے،ان کا کہنا تھا کہ امریکہ سمیت دیگر ممالک ہمیں تسلیم کریں، اگر کسی ملک کو ہم سے تشویش ہے تو اسے سیاسی طور پر حل کریں گے۔اس موقع پر انہوں نے پاکستان کی جانب سے امداد بھیجنے پر شکریہ بھی ادا کیا۔