لاہور(آن لائن) پاکستان تحریک انصاف کے رہنما اور صوبائی وزیر فیاض الحسن چوہان نے مسلم لیگ(ن)پنجاب کی سیکرٹری اطلاعات رہنما عظمیٰ بخاری کو فون کیا تاہم انہوں نے فون سننے کے بجائے بند کر دیا۔فیاض چوہان کا عظمی بخاری کو فون رانا ثناء اللہ کی موجودگی میں آیا جس پر انہوں نے کہا کہ فیاض چوہان کا فون آ رہا ہے،کتنی بری شکل والی تصویر آ رہی ہے، جبکہ فیاض الحسن چوہان کا کہنا ہیکہ میں نے عظمی بخاری کو خراج تحسین پیش کرنے کے لیے فون کیا۔ ساڑھے 14نکمے مل کر جو جھوٹ نہیں بول سکے انہوں نے وہ اکیلے بولے۔انہوں نے کہا کہ عظمیٰ بخاری کو کہنا تھا کہ آپ نے جھوٹ دل کھول کر بولے، شاباش دینے کے لیے فون کیا۔