اسلام آباد (این این آئی)وفاقی وزیر سائنس اینڈ ٹیکنالوجی سینیٹر شبلی فراز نے بجلی کے بلوں میں 60فیصدتک کمی کی نوید سنادی،وفاقی حکومت نے کم خرچ والے بجلی کے پھینکے،واٹر موٹرز ودیگر آلات تیار کرلی۔میڈیا سے گفتگو کرتے ہوئے سینیٹر شبلی فراز نے کہاکہ بجلی سے چلنے والے آلات جیسے پنکھے، واٹر موٹر میں نئی ٹیکنالوجی تیار کی ہے،نئی ٹیکنالوجی سے بنے پنکھے و دیگر آلات
میں بجلی کا استعمال 40 سے 60 فیصد کم ہوجائیگا۔ انہوں نے کہاکہ نئی ٹیکنالوجی سے بنے والی واٹر موٹر بہتر کارکردگی اور بجلی کم استعمال کرے گی۔ انہوںنے کہاکہ نئے آلات سے بجلی کے بلوں میں واضح کمی ہوگی، بچت شدہ بجلی کو انڈسٹری، و دیگر شعبوں میں استعمال کیا جاسکتا ہے،اس پہلے بجلی ضائع ہوتی تھی،وزیراعظم نے ہدایت کی ہے کہ ٹیکنالوجی سے عوام کو مستفید کرنا ہے۔دوسری جانب کامیاب جوان پروگرام کے ذریعے نوجوانوں کو کاروباری مواقع کی فراہمی، وفاقی حکومت نے ملک بھر میں 45 ہزار سے زائد نوجوانوں کو روزگار فراہم کر دیا،ملک بھر کی طرح سندھ کے نوجوانوں میں بھی بزنس لون کی تقسیم تیز کر دی گئی ،نوجوان حکومتی منصوبے سے کس طرح فائدہ اٹھا رہے ہیں؟ ،گورنر سندھ عمران اسماعیل نے کامیاب جوان کی کامیاب کہانی ٹویٹر پر شیئر کر دی،میر پور خاص کا رہائشی محمد انور چند دنوں میں کامیاب کاروبار کا مالک بن گیا،وفاقی حکومت سے بروقت قرض کی رقم ملنے پر لوڈر گاڑی خرید کر روزگار شروع کر لیا۔ گور نر سندھ نے کہاکہ وفاقی حکومت چھوٹے کاروبار سے لے کر بڑے بزنس تک بھرپور مدد فراہم کر رہی ہے، مشکل مالی حالات کے دوران روزگار کی فراہمی کیلئے اقدامات خوش آئیند ہیں۔ انہوں نے کہاکہ وفاقی حکومت سندھ کے نوجوانوں کو لاوارث نہیں چھوڑ سکتی، عثمان ڈار سے سندھ کے نوجوانوں کو قرضوں کی تقسیم تیز کرنے کی درخواست کی ہے ۔ گور نر سندھ نے کہاکہ انشااللہ وزیراعظم کے ویڑن کے مطابق اپنے نوجوانوں پر سرمایہ کاری کا سلسلہ جاری رکھیں گے،بزنس لون اور اسکل اسکالرشپس پروگرام میں زبردست کامیابی پر سربراہ کامیاب جوان پروگرام عثمان ڈار مبارکباد کے مستحق ہیں۔
