اسلام آباد (این این آئی)قومی کرکٹ ٹیم کے کھلاڑی، فاسٹ بالر حسن علی کی جانب سے یوم دفاع کے موقع پر پاک فوج کے جوانوں کے ساتھ ایک تصویر شیئر کی گئی ہے۔فاسٹ بالر حسن علی نے اپنے انسٹا گرام اکائونٹ پر پاکستان کے بہادر جوانوں کے ساتھ اپنی تصویر شیئر کرتے ہوئے پاک فوج کو سلام پیش کیا ہے۔حسن علی نے کیپشن میں لکھا کہ ہمارے اصلی ہیروز، بہادر جوانوں کو سلام۔انہوں نے اس تصویر کے ساتھ پاکستان زندہ باد کے نعرے کا بھی اضافہ کیا ہے اور ساتھ میں ڈیفنس ڈے کا ہیش ٹیگ بھی استعمال کیا ہے۔