اسلام آباد( آن لائن ) وفاقی وزیر اطلاعات فواد چوہدری نے کہا ہے کہ افغان طالبان پر اثرورسوخ ہے لیکن کنٹرول نہیں ہے۔ وزیراعظم نے اشرف غنی کو الیکشن نہ کرانے کی تجویز دی تھی لیکن انہوں نے نہیں مانی تھی۔ایک بیان میں وفاقی وزیر اطلاعات فواد چوہدری کا کہنا تھا کہ افغانستان میں

ایسی صورتحال نہیں ہے کہ لوگ ملک چھوڑ کرنکل جائیں جب کہ ابھی تک افغان مہاجرین بھی پاکستان میں داخل نہیں ہوئے، ہم چاہتے ہیں کہ افغانستان میں حالات مستحکم رہیں، افغان طالبان پر اثرورسوخ ہے لیکن کنٹرول نہیں ہے تاہم ہم کوشش کررہے ہیں کہ کابل ائیرپورٹ جلد کھل جائے ۔ وفاقی وزیر اطلاعات ونشریات فواد چوہدر ی نے کہا ہے کہ وزیر اعظم عمران خان نے سابق افغان صدر اشرف غنی کو تجویز دی تھی کہ ملک میں الیکشن نہ کرائے جائیں لیکن اشرف غنی نے وزیراعظم کی یہ تجویز نہیں مانی۔ان کا کہنا تھا کہ افغانستان میں حالات آج سب کے سامنے ہیں،افغان معاملے میں پاکستان کی تجاویز کو پہلے بھی نہیں سنا گیا۔ پاکستان کی تجاویز کو سنا جاتا تو حالات مختلف ہوتے۔ افغان مہاجرین کی پاکستان میں داخل نہ ہونے کی بڑی وجہ یہ ہے کہ ہم نے افغان بارڈر پر باڑ لگا لی ہے۔ چمن بارڈر پر آمد ورفت ہوتی رہتی ہے لیکن چمن سے لوگ آگے نہیں آتے۔ افغانستان میں جو تبدیلی ہوئی ہے اس میں کسی کا خون نہیں بہا ہے جس کی وجہ سے ابھی وہاں امن و امان قائم ہے۔ہماری کوشش ہے کہ افغان مہاجرین کو شہروں میں نہ آنے دیں بلکہ بارڈر پر ہی ان کے لئے انتظام کریں