اسلام آباد (مانیٹرنگ ڈیسک )کمزور مون سون ہوائیں ملک کے مشرقی علاقوں میں داخل ہو رہی ہیں اور جمعہ سے بالائی علاقوں میں شدت اختیار کریں گی۔آج بدھ کو ملک کے بیشتر میدانی علاقوں میں موسم گرم اور مرطوب رہے گا ۔تاہم شام/رات بالائی خیبر پختو نخوا،
گلگت بلتستان،کشمیر اور اس سے ملحقہ علاقوں میں چند مقامات پر تیزہواؤں اور گرج چمک کےساتھ بارش کا امکان ظاہر کیا گیا تھا ۔ محکمہ موسمیات کے مطابق کل جمعرات کو ملک کے بیشتر میدانی علاقوں میں موسم گرم اور مرطوب رہے گا ۔تاہم بالائی خیبر پختو نخوا ، خطہ پوٹھوہار ،گلگت بلتستان اورکشمیر میں چند مقامات پر تیزہواؤں اور گرج چمک کےساتھ بارش کا امکان ہے ۔ اسی طرح جمعہ کے روز ملک کے بیشتر علاقوں میں موسم گرم اور شدید مرطوب رہے گا۔تاہم شام/رات کے دوران بالائی خیبر پختونخوا، خطہ پوٹھوہار، گلگت بلتستان اور کشمیر میں تیز ہواؤں اور گرج چمک کے ساتھ بارش کا امکان ہے ۔ جبکہ ہفتہ کے روز بالائی پنجاب ، بالائی خیبر پختونخوا،اسلام آباد، گلگت بلتستان اور کشمیر میں تیز ہواؤں اور گرج چمک کے ساتھ بارش کا امکان ہے۔ ملک کے دیگرعلاقوں میں موسم گرم اور مرطوب رہے گا۔رپورٹ کےمطابق اسلام آباد،پنجاب ،کشمیر، خیبر پختونخوا، گلگت بلتستان اورشمال مشرقی بلوچستان میں تیز ہواؤں اور گرج چمک کے ساتھ بارش کا امکان ہے۔ ملک کے دیگرعلاقوں میں موسم خشک رہے گا۔موسمیات کے مطابق بروز سوموار کشمیر،اسلام آباد، خیبر پختونخوا،بالائی/وسطی پنجاب ،شمال مشرقی بلوچستان اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔ ملک کے دیگرعلاقوں میں موسم خشک رہے گا۔جبکہ منگل کے روز پنجاب ،اسلام آباد،خیبر پختونخوا، کشمیر،اسلام آباد، شمال مشرقی بلوچستان اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔ ملک کے دیگرعلاقوں میں موسم خشک رہے گا۔
