کابل (این این آئی)طالبان کی جانب سے دعویٰ کیا گیا ہے کہ کابل شہر میں سکیورٹی کا نظام پوری طرح سنبھال لیا ہے اورجنگجو شہر کے اہم مقامات پر تعینات کر دئیے گئے ہیں۔طالبان کے ملٹی میڈیا کمیشن کے سربراہ احمداللہ متقی کی جانب سے ٹوئٹر پر شیئر کیے جانے والے ایک بیان میں کہا گیا کہ کابل کی فتح کے بعد اسلامی امارت نے سکیورٹی کو یقینی بنانے کے لیے اہم مقامات پر خصوصی یونٹس تعینات کیے ہیں۔متقی کے مطابق یہ خصوصی یونسٹس ’کاروباری مرکز (سرائے شہزادہ) سمیت دیگر علاقوں میں امن و امان کے قیام کے علاوہ کلیئرنگ آپریشنز بھی کررہے ہیں۔