اسلام آباد (مانیٹرنگ ڈیسک) افغانستان میں طالبان کی فتح کے بعد سابق ڈی جی آئی ایس آئی جنرل حمیدگل کی ایک پرانی ویڈیو وائرل ہو رہی ہے جس میں انہوں نے کہا تھا کہ ”آئی ایس آئی امریکہ کی مدد سے امریکہ کو افغانستان میں شکست دے گی“۔ یہ الفاظ انہوں نے دنیا ٹی وی کے پروگرام مذاق رات میں کہے، انہوں نے کہا کہ ریکارڈ کے لئے کہنا چاہتا ہوں شاید پھر کوئی اور یہ نہ کہے، جس آئی ایس آئی کو آج مورد الزام ٹھہرایا جا رہا ہے جب تاریخ رقم ہو گی تو کہیں گے کہ آئی ایس آئی نے امریکہ کی مدد سے افغانستان میں سوویت یونین کو شکست دے دی، پھر ایک اور جملہ ہو گا آئی ایس آئی نے امریکہ کی مدد سے امریکہ کو شکست دے دی۔