لاہور (آن لائن) پنجاب حکومت نے محکمہ ایکسائز اینڈ ٹیکسینشن پنجاب میں رجسٹرڈ ہونے والی تمام اقسام کی وہیکلز کی نمبر پلیٹوں کی قیمتوں میں اضافہ کردیا ہے
جس کا تمام تر بوجھ پنجاب بھر کے شہریوں کے کندھوں پر آن پڑا ہے بتایا گیا ہے کہ پنجاب حکومت کی کابینہ کمیٹی برائے خزانہ نے بھی نمبر پلیٹوں کی قیمت میں اضافے کی منظوری دے دی ہے نوٹیفکیشن کے مطابق نئے رجسٹرڈ ہونے والے رکشے اور موٹرسائیکلوں کی نمبر پلیٹوں کی قیمت میں 250 روپے فی کس کا اضافہ کردیا گیا ہے جس کے بعد رکشہ اور موٹر سائیکل مالکان کو نمبر پلیٹ کی خریداری کی مد میں 750 روپ کی بجائے 1 ہزار روپے ادا کرنا پڑیں گے اسی طرح سرکاری گاڑی کی نمبر پلیٹ کی قیمت میں 3 سو روپے کا اضافہ کردیا گیا ہے جس کے بعد سرکاری محکمہ جات گاڑی کی نمبر پلیٹ کے حصول کے لئے 13سو کی بجائے 16 سو روپے ادا کریں گے سیمی گورنمنٹ گاڑی کی نمبر پلیٹ کی قیمت ایک ہزار روپے کردی گئی ہے جبکہ پرائیویٹ گاڑیاں نمبر پلیٹوں کے حصول کے لئے 12 سو کی بجائے 15 سو روپے ادا کرے گی۔ نئی قیمتوں کا اطلاق فوری طور پر کردیا گیا ہے۔
