تیونس،لندن(این این آئی)تیونس میں عدم استحکام مزید بڑھ گیا، صدر قیس سعید نے وزیراعظم برطرف کرکے ملک میں صدارتی مارشل لا لگا دیا جس کے خلاف شہریوں نے مظاہرے شروع کر دیئے۔میڈیارپورٹس کے مطابق تیونس کے صدر قیس سعید نے وزیراعظم کو برطرف

اورپارلیمنٹ کو تحلیل کردیا ہے، صدارتی مارشل لا نافذ ہونے کے بعد ملک میں بڑے پیمانے پر گرفتاریوں اورسیاسی عدم استحکام مزید گہرا ہونیکا خدشہ ہے، کئی شہروں میں صدارتی حکم کے خلاف احتجاج کاسلسلہ شروع ہوگیا ہے۔دوسری جانب اسرائیل کے جاسوسی کے لیے استعمال ہونے والے سوفٹ وئیر پیگاسس کے بارے میں مزید انکشافات سامنے آئے ہیں۔میڈیارپورٹس کے مطابق ایمنسٹی انٹرنیشنل کی رپورٹ میں کہاگیاکہ دنیا کے چودہ ممالک کے سربراہان کے نام جاسوسی کے لیے منتخب کیے گئے ۔ اس فہرست میں وزیراعظم عمران خان اور لبنان کے سعد الحریری کے نمبرز بھی شامل رہے ۔عمران خان کا نمبر بھارت نے بطور پرسن آف انٹرسٹ کے لیے منتخب کیا ۔فہرست میں شامل دیگر افراد فرانس، جنوبی افریقا ، مراکش کے صدرو شامل ہیں ۔ ایمنسٹی انٹرنیشنل کو 50 ہزار سے زائد فون نمبرز پر مشتمل ڈیٹا ریکارڈ تک رسائی ملی ۔ رپورٹ کے مطابق 34 ممالک کے600 سے زائد حکومتی عہدیداروں اور سیاست دانوں کی اسرائیلی سوفٹ وئیر سے جاسوسی کی گئی ۔