کراچی (مانیٹرنگ ڈیسک)مسلم لیگ ن کے رہنما محمد زبیر نے میڈیا سیبات چیت کرتے ہوئے کہا کہ این اے 249 میں ٹرن آؤٹ کم ہے تو گنتی جلدی مکمل ہوجانی چاہیے، جب تک تمام فارم 45 نہیں مل جاتے ہم یہاں سے نہیں جائیں گے۔جیو نیوز کے مطابق لیگی رہنما کا کہنا تھا کہ عوام نے ن لیگ کے حق میں ووٹ ڈال دیا ہے اب نتائج کا اعلان ہونا ہے، ہمارے امیدوار مفتاح اسمٰعیل اور وکیل کو بھی
ڈی آراو افس نہیں جانے دیا جارہا، ہمیں 117 پولنگ اسٹیشن کے فارم 45 مل گئے ہیں،117 پولنگ اسٹیشن کے نتائج کے مطابق مفتاح اسمعیل کو 7 ہزار ووٹ ملے ہیں۔لیگی امیدوار مفتاح اسماعیل کا کہنا تھا کہ دو پولنگ اسٹیشن کے فارم 45 کی کاپی ہمارے پولنگ ایجنٹس کو نہیں دی گئی،دوسری جانب محمد زبیر نے کہا کہ پولنگ اسٹیشن نمبر 260 کے پریزائیڈنگ آفیسر کا فون اور دفتر بھی بند ہے۔
