کیلگری(نیوزڈیسک) کینیڈین مہم جو نوجوان نے 100 بڑے غباروں کی مدد سے فضا میں بلند ہونے کی کوشش کی تاہم ایک خاص بلندی پرپہنچ کر وہ پیرا شوٹ کے ذریعے نیچا آگیا جس پر پولیس نے اسے گرفتار کرلیا۔ڈین بوریا نامی کینیڈین نوجوان نے اپنی کرسی سے 100 ہیلیم گیس سے بھرے غبارے باندھے اور فضا میں بلند ہونا شروع ہوا اور دیکھتے ہی دیکھتے وہ اتنی بلندی پر جان پہنچا کہ اسے اپنے نیچے طیارہ پرواز کرتا دکھائی دیا جب کہ اتنی بلندی پر پہنچنے کے بعد اسے نہ صرف تیز ہواں کا سامنا کرنا پڑا بلکہ اس میں خوف نے بھی جنم لے لیا۔نوجوان نے خوف کھا کر اپنا پیرا شوٹ کھول دیا اور ایک میدان میں جا اترا جس کےبعد پولیس نے اسے دوسروں کی جان خطرے میں ڈالنے کے جرم میں گرفتار کرلیا جب کہ نوجوان کے مطابق اس نے ایسا کمپنی کے اشتہار کو فضا کی بلندیوں تک لے جانے کے لیے کیا تھا جس کے لیے اس لیے خطیر رقم خرچ کی جو پاکستانی ایک لاکھ 30 ہزار روپے بنتی ہے۔