اسلام آباد (این این آئی) رکن قومی اسمبلی ورہنماء پاکستان پیپلز پارٹی قادر پٹیل نے کہا ہے کہ عمران خان کا کراچی پیکیج انڈوں، کٹوں اور بھنگ کی طرح لگ رہا ہے،ان کی سوچ پورے پاکستان کے وزیراعظم کی نہیں،بلاول بھٹو زرداری کو آصف علی زرداری

کا فرزند ہونے پر فخر ہے۔رکن قومی اسمبلی ورہنماء پاکستان پیپلز پارٹی قادر پٹیل نے وفاقی وزیر مراد سعید کے بیان پر ردعمل دیتے ہوئے کہا ہے کہ بلاول بھٹو زرداری کو آصف علی زرداری کا فرزند ہونے پر فخر ہے ۔ انہوں نے کہا کہ چیالوں کو بھی اپنے قائد آصف علی زرداری پر فخر ہے۔ انہوں نے کہا کہ مراد سعید بتائیں ان کے نانا کو سوات سے کیوں نکالا گیا تھا۔ انہوں نے کہا کہ عمران خان کا کراچی پیکیج انڈوں، کٹوں اور بھنگ کی طرح لگ رہا ہے ۔ انہوں نے کہا کہ عمران خان کی سوچ پورے پاکستان کے وزیراعظم کی نہیں، انہوں نے کراچی کے عوام سے وعدے کرکے برف پر لکھے ہیں۔