لاہور (آن لائن) پنجاب حکومت نے لاہور سمیت صوبے بھر میں شادی ہالز کھلنے کے بعد شہریوں کو پارکوں میں شادی کی تقاریب کے انعقاد کی اجازت دیتے ہوئے پارکوں پر عائد ٹیکس ختم کردیا ہے۔ اس سلسلے میں لاہور سے قومی اسمبلی کے رکن حماد اظہر کا کہنا ہے کہ
پارکوں میں شادی ہال کی تقاریب منعقد کرنے پر عائد ٹیکس کا خاتمہ غریب اور درمیانے درجے کے شہریوں کو ریلیف دینے کے لئے کیا گیا ہے۔ جبکہ شہریوں کو پارکس کی بکنگ کے آغاز کے لئے ہدایات بھی جاری کر دی گئی ہیں۔
