اسلام آباد (این این آئی) اسلام آباد (این این آئی)بھارتی افواج کی جانب سے ایل او سی پر جنگ بندی معاہدے کی خلاف ورزیوں پر پاکستان نے بھارتی ہائی کمیشن کے سینئر سفارتکار کو دفتر خارجہ طلب کر کے احتجاج ریکارڈ کرایا ہے۔ ترجمان دفتر خارجہ کے مطابق بھارت کی جانب سے ایل او سی پر جنگ بندی کی خلاف ورزی پر پاکستان میں بھارتی ہائی کمیشن کے سینئر سفارتکار کی
دفتر خارجہ طلبی کی گئی،ایل او سی کے ڈھڈنیال سیکٹر پر بھارتی افواج کی جانب سے سیز فائر کی خلاف ورزی پر پاکستان نے بھارتی سفارتکار کو شدید احتجاج ریکارڈ کرایا،ترجمان دفتر خارجہ کے مطابق 14 اگست کو ڈھڈنیال سیکٹر پر بھارتی افواج کی فائرنگ سے ایک خاتون شہری شدید زخمی ہوئی، ترجمان دفتر خارجہ کے مطابق رواں برس بھارت 1980 بار جنگ بندی کی خلاف ورزیاں کر چکا ہے،رواں برس بھارتی بلااشتعال فائرنگ سے 16 شہری شہید اور 161افراد زخمی ہو چکے ہیں،بھارتی فورسز لائن آف کنٹرول، ورکنگ باؤنڈری پر مسلسل نہتی شہری آبادی کو نشانہ بنا رہی ہیں، ترجمان دفتر خارجہ نے کہاکہ بھارت کا معصوم شہریوں کو جان بوجھ کر نشانہ بنانا قابل مذمت ہے،بھارت ان حرکتوں سے مقبوضہ کشمیر کی صورتحال سے دنیا کی توجہ نہیں ہٹا سکتا،بھارت اقوام متحدہ سلامتی کونسل کی قراردادوں پر عمل درآمد یقینی بنائے،نہتے شہریوں کو نشانہ بنانا عالمی قوانین، اقدار کے منافی ہے۔
