ممبئی۔۔۔۔بالی وڈ کے اداکار سلمان خان نے مبینہ طور پر اپنی بہن ارپتا خان کی شادی کے موقع پر اپنے خاندان سے رومانیہ کی اداکارہ ول ا وینطور کا تعارف اپنی گرل فرینڈ کے طور پر کرایا۔ممبئی کے ایک اخبار ’ممبئی مرر‘ میں اس سے متعلق شائع ایک خبر کے مطابق سلمان خان کی نئی دوست ول اس شادی میں شریک ہوئیں اور سلمان خان کے خاندان سے ملاقات کی۔اس سے قبل ول سلمان خان کی ہوم پروڈکشن فلم ’او تیری‘ کے ایک گانے میں نظر آئی تھیں۔سلمان خان سے ول ا وینطور کی ملاقات ڈبلن میں اس وقت ہوئی تھی جب سلمان اپنی ایک فلم کی شوٹنگ کر رہے تھے۔گذشتہ کچھ دنوں سے دونوں کی خبریں میڈیا کی سرخی بنتی رہی ہیں۔ لیکن یہ پہلا موقع تھا جب سلمان نے اپنے اہل خانہ سے انھیں اپنی گرل فرینڈ کے طور پر متعارف کروایا۔فی الحال ول ا ممبئی کے باندرہ علاقے کے ایک فائیو سٹار ہوٹل میں رہ رہی ہیں۔ یہ ہوٹل سلمان خان کے مکان گیلی سی اپارٹمنٹ کے قریب ہی ہے۔یولیا سلمان خان کی نئی دوست ہیں۔ اس سے قبل یہ جگہ کترینہ کیف کو حاصل تھی لیکن سلمان اور کترینہ کیف کافی عرصہ پہلے ایک دوسرے سے الگ ہوگئے تھے۔یولیا سلمان خان کی نئی دوست ہیں۔ اس سے قبل یہ جگہ کترینہ کیف کو حاصل تھی۔کترینہ کیف سے اب بھی سلمان کی دوستی ہے لیکن اب وہ اداکار رنبیر کپور کی گرل فرینڈ ہیں اور آج کل کترینہ اور رنبیر کے رشتے کی خبریں میڈیا میں گردش کرتی رہتی ہیں۔سلمان خان نے اپنی بہن ارپتا کی شادی کے موقع پر کترینہ کیف کو دعوت دی تھی لیکن رنبیر کپور کو مدعو نہیں کیا تھا۔کترینہ کیف ارپتا کی شادی میں شرکت کے لیے حیدرآباد آئی تھیں اور وہاں پر سلمان خان نے بطور مذاق کترینہ کیف کو ’کترینہ کپور‘ کے لقب سے پکارا۔اطلاعات کے مطابق سلمان کے اس مذاق کو سن کر کترینہ شرماتے ہوئے نظر انداز کرگئیں۔