لاہور (آن لائن) اداکارہ حرامانی نے کہا ہے کہ قرنطینہ نے انہیں زندگی کا نیا مقصد سکھا دیا ہے۔ ایک انٹرویو میں انہوں نے کہا کہ اللہ پاک نے انہیں قرنطینہ کر کے ایک نئی راہ دکھا دی ،جو کہ دوسروں کی مدد کرنا ہے ۔انہوں نے کہا کہ وہ بہت خوش ہیں کہ اللہ پاک نے انہیں شہرت دی اور پھر اس نیک کام کی طرف لے گئے۔انہوں نے کہا کہ اگر کوئی ان کا نام سن کر ایک ہزار

بھی دیتا ہے تو اس سے بڑی بات اورکیا ہو گی انہیں ایوارڈ نہیں بلکہ یہی پیار تو چاہیے تھا۔ انہوں نے کہا کہ اگر اللہ پاک نے ان کا ساتھ دیا تو انشاء اللہ وہ اس کام کو آگے لے کر چلیں گی۔یاد رہے کہ حرامانی اپنے شوہر مانی کے ساتھ مل کر غریب لوگوں میں راشن تقسیم کرتی ہیں۔ حرا مانی ان دنوں ڈرامہ سیریل’’کشف اور غلطی‘‘ میں دکھائی دے رہی ہیں۔