اسلام آباد(مانیٹرنگ ڈیسک)چیئرمین ایف بی آر شبرزیدی کوفارغ کرنے کافیصلہ ،اسٹیبلشمنٹ ڈویژن نے ان کا2 سالہ کنٹریکٹ منسوخ کرنے کی سفارش کرتے ہوئے مستقل چیئرمین ایف بی آر کی سمری وفاقی کابینہ کو ارسال کردی۔نجی ٹی وی کے مطابق سلیکشن کمیٹی نے نوشین جاوید کو مستقل چیئرمین ایف بی آر تعینات کرنے کی سفارش کردی ۔

جس کے بعد کابینہ نے نوشین جاوید کو چیئرمین ایف بی آر تعینات کرنے کی منظوری دیدی اور شبرزیدی کا 2سالہ کا چیئرمین ایف بی آر کا اعزازی نوٹیفکیشن منسوخ کردیا۔نوشین جاوید امجد ان لینڈریونیومیں گریڈ22 کی افسر ہیں ،چیئرمین ایف بی آر کا عہدہ 17 جنوری سے خالی ہے ،یاد رہے کہ شبرزیدی کو 2 سال کیلئے چیئرمین ایف بی آر تعینات کیاگیا تھا۔