شیخوپورہ(نیوزڈیسک) پنجاب کے وزیرنے نیاچاند چڑھا دیااورآپ نے یہ کہاوت بھی سن رکھی ہوگی کہ کھایا پیاکچھ نہیں ،گلاس توڑابارہ آنے ،ایساہی کچھ ان دنوں پنجاب کے صوبائی وزیرخوراک کررہے ہیں ۔حکومت نے لگائے سستے بازار مگر وزیر خوراک بلال یاسین مہنگے دوروں سے باز نہ آئے۔ رمضان بازار کا دورہ کرنے کیلئے ہیلی کاپٹر پر شیخوپورہ پہنچے شاہی سواری پر جب صحافیوں نے سوال اٹھائے تو وزیر موصوف پہلے تو سرے سے ہی مکر گئے کہ وہ ہیلی کاپٹر پر نہیں آئے ہیں۔ میڈیا کے نمائندوں کی تکرار پر بلال یاسین نے گول مول انداز میں جواب دیا کہ وہ سرکاری وسائل عوام کیلئے استعمال کرتے ہیں کسی نے دنیا کو دکھانا ہے تو دکھا دیں انہیں فرق نہیں پڑتا۔ صوبائی وزیر خوراک کے سستے بازاروں کے مہنگے دوروں پر ماضی میں بھی تنقید ہوتی رہی ہے۔ اس پر وزیر اعلیٰ پنجاب نے نوٹس بھی لیا لیکن وزیر موصوف اس سال بھی سستے بازاروں کے معائنہ کیلئے ہیلی کاپٹر کے مہنگے سفر سے باز نہ آئے۔